Pazo do Revel

Está situado xunto ao Pazo dos Pardo. Está formado por dúas edificacións construídas en épocas diferentes, a máis antiga do século XVI, e de planta cadrada con planta baixa e planta. Entre os seus elementos máis característicos destacan unha portada de arco con corredor e escudo heráldico na fachada principal, unha escaleira de pedra con dintel e patín cuberto no patio interior e unha gran solaina (balcón orientado ao sol) de once columnas que Sosteñen a prolongación do tellado. O outro edificio é máis recente de planta rectangular, no que aparece un reloxo de sol e un escudo con armas dos Valladares e Rivera. Co paso dos anos converteuse nun hotel.