Rutas marítimas
Tanto dende o Porto de Sanxenxo como dende o Porto de Portonovo parten ferris cara ás Illas Cíes e Ons, que forman parte do Parque Nacional Marítimo-Terrestre das Illas Atlánticas de Galicia. Unha alternativa ideal para pasar o día e descubrir paisaxes naturais de incomparable beleza.
Son varias as empresas que realizan as viaxes, aínda que é necesario obter un permiso previo para poder visitar as illas. A xestión deste permiso, así como consultar información máis detallada sobre cada un dos arquipélagos do Parque, pódese facer dende a web Illas Atlánticas de Galicia.
Ademais, hai viaxes organizadas en ferry pola ría. Para visitar o cultivo de mexillón nas bateas, con degustación a bordo.
Por outra banda, son numerosas as empresas chárter que teñen aluguer de barcos con ou sen patrón.
