Sendeiro litoral Paxariñas-Montalvo

Roteiro que alcanza 1,33 km de percorrido total e transcorre entre a praia de Paxariñas, bordeando a punta cara á dereita, ata a praia de Montalvo, na súa marxe esquerda.

Ambas as praias veñen sendo galardoadas coa Bandeira Azul de maneira ininterrompida. A praia de Montalvo obtivo o galardón por primeira vez no ano 2000. A praia de Paxariñas no 2001, perdéndoa soamente no ano 2015, con motivo das obras de acondicionamento e seguridade desenvolvidas no seu cantil e acceso.

En todo o percorrido deste carreiro pódense gozar dunhas vistas espectaculares da boca da Ría de Pontevedra, así como do Arquipélago de Ons (Parque Nacional das Illas Atlánticas).

Desde a parte do carreiro máis próximo á praia de Paxariñas, en fronte, podemos contemplar a acantilada punta de Cabicastro. No outro extremo atoparémonos na zona dunar da praia de Montalvo.