O campo de golf de Meis foi inaugurado o 17 de maio de 2000 e proxectado por Antonio Grande, consta de 18 buratos de campionato. A Fundación Monte Castrove (Fundación de Interese Galego titular do campo) retomou a xestión das instalacións o 1 de outubro de 2013, tras un período de 10 anos nos que foi xestionada pola Real Federación Española de Golf. Na actualidade, o Padroado da Fundación Monte Castrove está integrado polos concellos de Meis, Meaño, Ribadumia, Vilanova de Arousa, Vilagarcía de Arousa, Barro, Pontevedra, Cambados, Sanxenxo e o club de golf Chan do Fento.